പയ്യന്നൂര് സുബ്രഹ്മണ്യസ്വാമി ക്ഷേത്രം ആരാധന മഹോത്സവം 16 മുതല് 30 വരെ
പയ്യന്നൂര് : കേരളത്തിലെ പഴനി എന്നറിയപ്പെടുന്ന പയ്യന്നൂര് സുബ്രഹ്മണ്യ സ്വാമി ക്ഷേത്രത്തിലെ ആരാധന മഹോത്സവം 16 മുതല് 30 വരെ ആഘോഷിക്കും.
പയ്യന്നൂര് പെരുമാളിന്റെ മഹോത്സവം വിജയിപ്പിക്കുന്നതിനുള്ള ഒരുക്കങ്ങള് പൂര്ത്തിയായതായി ജനറല് കണ്വീനര് വി.പി.സുമിത്രന് വാര്ത്ത സമ്മേളനത്തില് അറിയിച്ചു.
16 ന് വൈകുന്നേരം 7 മണിക്ക് കലാ സാംസ്കാരിക പരിപാടികളുടെ ഉദ്ഘാടനം ടി.ഐ.മധുസൂദനന് എം.എല്.എ നിര്വ്വഹിക്കും.
ആഘോഷ കമ്മിറ്റി ചെയര്മാന് എ.വി.മാധവ പൊതുവാള് അധ്യക്ഷത വഹിക്കും.
ചലച്ചിത്ര താരം എം.മുകേഷ് എം.എല്.എ മുഖ്യാതിഥിയായി പങ്കെടുക്കും.
മലബാര് ദേവസ്വം ബോര്ഡ് കമ്മീഷണര് ടി.സി.ബിജു, വ്യവസായിയും ചലച്ചിത്ര നിര്മ്മാതാവുമായ ഗോകുലം ഗോപാലന്, കണ്ണോത്ത് വേണുഗോപാലന് എന്നിവവര് വിശിഷ്ടാതിഥികളാകും.
ആരാധന മഹോത്സവ നാളുകളില് ക്ഷേത്രത്തില് എത്തുന്ന എല്ലാ ഭക്തജനങ്ങള്ക്കും ഉച്ചക്ക് അന്നദാനം ഉണ്ടായിരിക്കും.
ഊട്ടുപുരയില് വിപുലമായ ഒരുക്കങ്ങളും, മാലിന്യ സംസ്ക്കരണത്തിനു വിപുലമായ സൗകര്യങ്ങളും പൂര്ത്തിയായിട്ടുണ്ട്.
വാര്ത്ത സമ്മേളനത്തില് ആഘോഷ കമ്മിറ്റി ചെയര്മാന് എ.വി.മാധവ പൊതുവാള്, ക്ഷേത്രം എക്സിക്യൂട്ടീവ് ഓഫീസര് കെ.പി. സുനില്കുമാര്, ട്രസ്റ്റി അംഗങ്ങളായ അനില് പുത്തലത്ത്, എ.കെ.രാജേഷ്, സി.കെ.പ്രമോദ്, രാജു അത്തായി, ആഘോഷ കമ്മിറ്റി ഭാരവാഹികളായ എ.യു.ബാലകൃഷ്ണന്, പ്രകാശ് മഹാദേവ ഗ്രാമം, ആര്.പ്രമീള, ടി.എ.രഞ്ജിനി, സി.കെ ദിനേശന് എന്നിവരും പങ്കെടുത്തു.
ആരാധന മഹോല്സവത്തോടനുബന്ധിച്ച കലാപരിപാടികള് ചുവടെ–
16 ന് നാടകം-വംശം അരങ്ങേറും.
17 ന് തിങ്കളാഴ്ച രാത്രി 7 മണിക്ക് ചെറുതാഴം വിഷ്ണുരാജുവും കല്ലേകുളങ്ങര ആദര്ശും അവതരിപ്പിക്കുന്ന ഡബിള് തായമ്പക അരങ്ങേറും രാത്രി 9 മണിക്ക് നൃത്ത പരിപാടി മുഖരാഗം
18 ന് രാത്രി 7 മണിക്ക് കഥകളി. രാത്രി 9 മണിക്ക് സുരേഷ് പള്ളിപ്പാറ നയിക്കുന്ന ഫോക് ബാന്റ് ഉറമ്പറ അരങ്ങേറും 19 ന് രാത്രി 7 മണിക്ക് ശാസ്ത്രീയ നൃത്ത സമന്വയം മുരുകേശ . തുടര്ന്ന് ആറങ്ങോട്ട് കര ശിവന് & പാര്ട്ടിയുടെ തായമ്പക. രാത്രി 9 മണിക്ക് നൃത്താഞ്ജലി
20 ന് വ്യാഴാഴ്ച രാത്രി 9 മണിക്ക് ചലച്ചിത്ര താരം രചന നാരായണന് കുട്ടി അവതരിപ്പിക്കുന്ന ഭരതം മെഗാ നൃത്ത ശില്പം അരങ്ങേറും. 21 ന് വെള്ളിയാഴ്ച രാത്രി 7.30 ന് കരയടം ചന്ദ്രന് മാരാര് ആന്റ് പാര്ട്ടിയുടെ തായമ്പക രാത്രി 9 മണിക്ക് നാടകം – വാര്ത്ത
22 ന് ശനിയാഴ്ച രാത്രി 7.30 ന് മഡിയന് രാധാകൃഷ്ണമാരാരും സംഘവും അവതരിപ്പിക്കുന്ന തായമ്പക. രാത്രി 9 മണിക്ക് പള്ളിപ്പുറം വൈശാഖ് തൃശ്ശൂരിന്റെ നേതൃത്വത്തില് മെഗാ പഞ്ചാരിമേളം അരങ്ങേറും.
23 ന് ഞായര് രാത്രി 7.30 ന്
നങ്ങ്യാര്കൂത്ത്, രാത്രി 9 മണിക്ക് കഥകളി
24 ന് തിങ്കളാഴ്ച രാത്രി 7.30 ഡോ. ശുകപുരം ദീലീപും സംഘവും അവതരിപ്പിക്കുന്ന തായമ്പക. രാത്രി നാടകം – പകലില് മറഞ്ഞിരിക്കുമ്പോള് ‘
25 ചൊവ്വാഴ്ച രാത്രി 9 മണിക്ക് ശ്വേതാ അശോക് നയിക്കുന്ന ഗാനമേള.
26 ബുധനാഴ്ച രാത്രി 7.30 ന് കല്ലൂര് കൃഷ്ണന് കുട്ടിയും സംഘവും അവതരിപ്പിക്കുന്ന തായമ്പക രാത്രി 9 മണിക്ക് നാടകം – കാലം പറക്ക്ണ് .
27 ന് വ്യാഴാഴ്ച രാത്രി 7.30 ന് ചെറുതാഴം ദീലീപും സംഘവും അവതരിപ്പിക്കുന്ന തായമ്പക രാത്രി 9 മണിക്ക് ഗംഗാതരംഗം – വയലിന് ഫ്യൂഷന് അരങ്ങേറും
28 ന് വെള്ളിയാഴ്ച രാവിലെ 8 മണിക്ക് ചന്ദ്രന്മാരാറും സംഘവും അവതരിപ്പിക്കുന്ന പഞ്ചാരിമേളം. രാത്രി 7 മണിക്ക് നൃത്തശില്പം.
രാത്രി 7.30 നീലേശ്വരം സന്തോഷ്,രാധാകൃഷ്ണ മാരാര് അവതരിപ്പിക്കുന്ന ഡബിള് തായമ്പക. രാത്രി 9 മണിക്ക് കക്കാട് രാജപ്പന് മാരാരുടെ മെഗാ പാണ്ടി മേളം .29 ന് രാത്രി 9 മണിക്ക് മെഗാ മാജിക്. 30 ന് ഉച്ചക്ക് പ്രസാദ ഊട്ട്. 2.30 ന് ഓട്ടന് തുള്ളല്,രാത്രി 8 മണിക്ക് ഗാനമേള. 9മണിക്ക് മഡിയന് രാധാകൃഷ്ണമാരാര് അവതരിപ്പിക്കുന്ന പാണ്ടിമേളം. രാത്രി 11 മണിക്ക് ഉത്സവ സമാപനം കുറിച്ചുകൊണ്ട് ഭഗവതി തറയില് കളത്തിലരി ചടങ്ങ് നടക്കും.