സയ്യിദ്‌നഗറില്‍ തീപിടുത്തം–ഏക്കര്‍കണക്കിന് സ്ഥലത്തേക്ക് തീ പടര്‍ന്നു-
തളിപ്പറമ്പ്: സയ്യിദ്‌നഗറില്‍ വന്‍ തീപിടുത്തം.
കെ.എസ്.ഇ.ബി.ഓഫീസിന് പുറകിലെ തരിശായികിടക്കുന്ന സ്ഥലത്താണ് വൈകുന്നേരം നാലോടെ തീ പടര്‍ന്നുപിടിച്ചത്.
ഈ ഭാഗത്ത് ഉയരത്തില്‍ വളര്‍ന്ന പുല്ലുകള്‍ക്ക് തീപിടിച്ചതോടെ പ്രദേശം പുകകൊണ്ട് മൂടി. നാട്ടുകാര്‍ വിവരമറിയിച്ചത് പ്രകാരം സ്ഥലത്തെത്തിയ അഗ്നിശമനസേനയാണ് തീയണച്ചത്.
തളിപ്പറമ്പ് അസി.സ്റ്റേഷന്‍ ഓഫീസര്‍ ടി.അജയന്റെ നേതൃത്വത്തിലെത്തിയ സംഘമാണ് തീ നിയന്ത്രണവിധേയമാക്കിയത്.