ഇടതുചിന്ത ദുര്ബലപ്പെടുന്നു-ഇന്നത്തേത് സുഖജീവിതത്തിന്റെ രാഷ്ട്രീയപ്രവര്ത്തം; ഇ.പി.ജയരാജന്
എം.വി.ആറിന്റെ ആത്മകഥയായ ഒരു ജന്മം മുതിര്ന്ന മാധ്യമപ്രവര്ത്തകന് എം.കെ.മനോഹരന് ഇ.പി.ജയരാജന് സമ്മാനിക്കുന്നു.
തളിപ്പറമ്പ്: ത്യാഗ മനോഭാവമുള്ള രാഷ്ട്രീയ പ്രവര്ത്തനം ഇല്ലാതായെന്നും, സുഖജീവിതത്തിന്റെ രാഷ്ട്രീയ പ്രവര്ത്തനമാണ് ഇപ്പോള് ഉള്ളതെന്നും മുന് മന്ത്രി ഇ.പി. ജയരാജന്.
എന്തെങ്കിലും നാടിന് വേണ്ടി ചെയ്യണമെന്ന അടങ്ങാത്ത ആഗ്രഹം മനസില് കൊണ്ടുനടന്ന വ്യക്തിത്വമായിരുന്നു അഡ്വ.കെ.ബാലകൃഷ്ണന് നായര്.
ത്യാഗപൂര്ണമായ ഒരു രാഷ്ട്രീയജീവിതം നയിച്ച വ്യക്തിയായിരുന്നു അദ്ദേഹമെന്നും ജയരാജന് പറഞ്ഞു.
കുളപ്പുറത്ത് ഇന്ത്യന് ഇടത് തീവ്രവാദ പ്രസ്ഥാനത്തിന്റെ പ്രമുഖ നേതാവ് ചാരുമഞ്ജുംദാര് ഉള്പ്പെടെയുള്ളവര് പങ്കെടുത്ത യോഗത്തിലുള്പ്പെടെ പങ്കെടുത്ത നേതാവായിരുന്നു ബാലകൃഷ്ണന്നായര്.
എന്തിനും തയ്യാറായ ഒരു വിപ്ലവമനസ് കാത്തുസൂക്ഷിക്കാന് അവസാനകാലം വരെ അദ്ദേഹത്തിന് സാധിച്ചുവെന്നും ഇ.പി.ജയരാജന് അനുസ്മരിച്ചു.
അഡ്വ.കെ.ബാലകൃഷ്ണന്നായര് മൂന്നാം ചരമവാര്ഷിക അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ഇന്നത്തെ കാലത്ത് കേരളത്തില് ഇടതുരാഷ്ട്രീയം ദുര്ബലപ്പെട്ടുവരികയാണെന്നത് ആശങ്കയോടെ കാണേണ്ടതാണെന്നും ജയരാജന് പറഞ്ഞു.
മുഖ്യരക്ഷാധികാരി പ്രഫ.ഇ.കുഞ്ഞിരാമന് അധ്യക്ഷത
അഡ്വ.കെ.ബാലകൃഷ്ണന് നായര് ഫൗണ്ടേഷന്റെയും തളിപ്പറമ്പ് ബാര് അസോസിയേഷന്റെയും
സംയുക്താഭിമുഖ്യത്തില് നടന്ന പരിപാടിയില് ഫൗണ്ടേഷന് മുഖ്യരക്ഷാധികാരി പ്രഫ.ഇ.കുഞ്ഞിരാമന് അധ്യക്ഷത വഹിച്ചു.
അഡ്വ.പി.എ.ബാബു അനുസ്മരണപ്രഭാഷണം നടത്തി. കഴിഞ്ഞ വര്ഷത്തെ പരിപാടിയുടെ ബുക്ക്ലെറ്റ് പ്രകാശനം ബാര് അസോസിയേയഷന് പ്രസിഡന്റ് അഡ്വ.വി.എ.സതീഷ് നിര്വ്വഹിച്ചു.
