ടി.പി.മമ്മു സാഹിബിന്റെ ഖബറടക്കം നാളെ രാവിലെ 9 മണിക്ക്-
പൂമംഗലം: ഇന്ന് നിര്യാതനായ മുസ്ലിം ലീഗ് നേതാവും കര്‍ഷക സംഘം സംസ്ഥാന ജന.സെക്രട്ടറിയുമായ ടി.പി.മമ്മു സാഹിബിന്റെ(74) കബറടക്കം നാളെ രാവിലെ 9 മണിക്ക് മഴൂര്‍ ജുമാ മസ്ജിദ് ഖബര്‍സ്ഥാനില്‍ നടക്കും.
ഭാര്യ:പരേതയായ ആയിഷ.
മക്കള്‍:മുഹമ്മദ് ഷമീം (ഇന്‍ഫ്ര സോഫ്റ്റ് കമ്പ്യൂട്ടര്‍ തളിപ്പറമ്പ്) സജ്‌ന, റജ്‌ന (ഗവ: ഐ ടി ഐ കണ്ണൂര്‍).
മരുമക്കള്‍: അബ്ദുല്‍ഷുക്കൂര്‍(ദീനുല്‍ ഇസ്ലാം സഭ ഹയര്‍ സെക്കന്ററി സ്‌കൂള്‍), പി.വി.മുഹമ്മദ് റാഫി (സര്‍ സയ്യിദ് ഇന്‍സ്റ്റിറ്റിയൂട്ട്), അഷീറ(പാപ്പിനിശ്ശേരി).
പന്നിയൂരില്‍ നിന്നും സംഘടനാ പ്രവര്‍ത്തനം ആരംഭിച്ച് അഭിവക്ത കണ്ണൂര്‍ ജില്ലയില്‍ പാര്‍ട്ടിയുടെ യുവജന സംഘടനാ പ്രവര്‍ത്തനത്തില്‍ നിറഞ്ഞ് നിന്ന നേതാവായിരുന്നു ടി.പി.മമ്മു,
ആദ്യ കാലത്തെ ചന്ദ്രിക ലേഖകനും ഏറെക്കാലം തളിപ്പറമ്പ് മണ്ഡലം മുസ്ലിം ലീഗ് പ്രസിഡന്റും യു.ഡി.എഫ് മണ്ഡലം ചെയര്‍മാനുമായിരുന്നു.
ജില്ലാ പഞ്ചായത്ത് ചെങ്ങളായി ഡിവിഷനില്‍ മല്‍സരിച്ചിരുന്നു. റബ്മാര്‍ക്‌സ് വൈസ് ചെയര്‍മാനായും പ്രവര്‍ത്തിച്ചിട്ടുണ്ട്.
ഫ്രഷ് എന്ന പേരില്‍ ശ്രദ്ധേയമായ കാര്‍ഷിക കൂട്ടായ്മക്ക് രൂപം നല്‍കിയിരുന്നു.