പവിത്രനാണ് പവിത്രന്‍-110 രൂപ മാഹിയില്‍-പരിയാരത്തെത്തിച്ചാല്‍ 600-
പരിയാരം: അനധികൃത മദ്യവില്‍പ്പനക്കെത്തിച്ച അഞ്ച് ലിറ്റര്‍ മാഹിമദ്യവുമായി ഒരാള്‍ പിടിയില്‍.
മാതമംഗലം കുറ്റൂരിലെ തോട്ടത്തില്‍ വീട്ടില്‍ ടി.വി.പവിത്രന്‍(48)നെയാണ് പരിയാരം ഇന്‍സ്‌പെക്ടര്‍ കെ.വി.ബാബുവിന്റെ നേതൃത്വത്തില്‍ കടന്നപ്പള്ളി റോഡില്‍ വെച്ച് പിടികൂടിയത്.
500 മില്ലി ലിറ്ററിന്റെ 10 കുപ്പികളാണ് പിടിച്ചെടുത്തത്.
മെഡിക്കല്‍ കോളേജ് പരിസരത്തെ ഉന്തുവണ്ടി കച്ചവടക്കാരനായ പവിത്രന്‍ മാഹിയില്‍ നിന്ന് 110 രൂപക്ക് കൊണ്ടുവരുന്ന മദ്യം 600 രൂപയ്ക്കാണ് വില്‍പ്പന നടത്തിയിരുന്നതെന്ന് പോലീസ് പറഞ്ഞു.
ഇയാള്‍ക്ക് മദ്യവില്‍പ്പനക്ക് നാലോളം ഏജന്റുമാരുമുണ്ട്. മെഡിക്കല്‍ കോളേജില്‍ എത്തുന്നവരെ കേന്ദ്രീകരിച്ചായിരുന്നു മദ്യവില്‍പ്പന നടത്തിയിരുന്നത്.
മാഹിമദ്യം കടത്തിക്കൊണ്ടുവന്ന് വില്‍പ്പന നടത്തുന്നത് ജാമ്യമില്ലാ വകുപ്പ് പ്രകാരമുള്ള കേസായതിനാല്‍ പ്രതിയെ നാളെ കോടതിയില്‍ ഹാജരാക്കും.