കാസര്കോട് ജില്ലാ പൊലീസ് ആസ്ഥാനത്തെ കാന്റീന് ജീവനക്കാരനായ യുവാവ് വീട്ടില് തൂങ്ങി മരിച്ച നിലയില്
കാസര്കോട്: ജില്ലാ പൊലീസ് ആസ്ഥാനത്തെ കാന്റീന് ജീവനക്കാരനായ യുവാവിനെ വീട്ടില് തൂങ്ങിമരിച്ച നിലയില് കണ്ടെത്തി.
കരിച്ചേരി പെരളത്തെ കെ.പത്മിനിയുടെ മകന് കെ.മനുകൃഷ്ണ(30)നാണ് മരിച്ചത്.
കിടപ്പുമുറിയിലെ ഫാനില് തൂങ്ങിയ നിലയില് കണ്ടെത്തുകയായിരുന്നു.
ഞായറാഴ്ച വൈകിട്ടാണ് സംഭവം.
മാതാവ് പത്മിനിയും മനുവും മാത്രമാണ് വീട്ടില് താമസിച്ചു വരുന്നത്.
വെള്ളിയാഴ്ച വൈകിട്ട് പത്മിനി അമ്മാവന്റെ വീട്ടിനുടുത്തുള്ള തെയ്യം കെട്ടിന് പോയിരുന്നു.
ഞായറാഴ്ച വൈകിട്ടാണ് വീട്ടില് തിരിച്ചെത്തിയത്. പൂട്ടിയിട്ട വാതിലില് പലതവണ മുട്ടിയിട്ടും തുറന്നില്ല.
തുടര്ന്ന് അയല്വാസികളുടെ സഹായത്തോടെ വാതില് തുറന്നു നോക്കിയപ്പോഴാണ് കിടപ്പുമുറിയില് തൂങ്ങിയ നിലയില് കണ്ടെത്തിയത്.
തുടര്ന്ന് ബേക്കല് പൊലീസ് സ്ഥലത്തെത്തി. മൃതദേഹം കാസര്കോട് ജനറല് ആശുപത്രിയിലേക്ക് മാറ്റി.
പോസ്റ്റ്മോര്ട്ടത്തിനു ശേഷം ബന്ധുക്കള്ക്ക് വിട്ടു നല്കും.
പിതാവ്: പരേതനായ വിജയന്.
ഏക സഹോദരന് കെ.മണികണ്ഠന്( ആര്മി).