ഫിലിപ്പ്മാത്യുവിന് യാത്രയയപ്പ്-നാഷണല്‍ ഫയര്‍ സര്‍വീസ് മീറ്റില്‍ മെഡല്‍ നേടിയ ജീവനക്കാരെ ആദരിച്ചു. കടന്നപ്പള്ളി രാമചന്ദ്രന്‍ എം.എല്‍.എ ഉദ്ഘാടനം ചെയ്തു.
കണ്ണൂര്‍: കേരള ഫയര്‍ സര്‍വീസ് അസോസിയേഷന്‍ കണ്ണൂര്‍ മേഖല കമ്മിറ്റിയുടെ ആഭിമുഖ്യത്തില്‍ സര്‍വീസില്‍ നിന്ന് വിരമിച്ച ജീവനക്കാരന് യാത്രയയപ്പും നാഷണല്‍ ഫയര്‍ സര്‍വീസ് മീറ്റില്‍ മെഡല്‍ നേടിയ ജീവനക്കാരെ ആദരിക്കലും സംഘടിപ്പിച്ചു.
കണ്ണൂര്‍ അഗ്‌നിരക്ഷാനിലയത്തില്‍ നടന്ന ചടങ്ങ് കണ്ണൂര്‍ കടന്നപ്പള്ളി രാമചന്ദ്രന്‍ എം എല്‍ എ ഉദ്ഘാടനം ചെയ്തു.
സര്‍വീസില്‍ നിന്ന് വിരമിക്കുന്ന തളിപ്പറമ്പ് അഗ്‌നി രക്ഷാ നിലയത്തിലെ ഗ്രേഡ് അസി.സ്‌റ്റേഷന്‍ ഓഫീസര്‍ ഫിലിപ്പ് മാത്യുവിനാണ് യാത്രയയപ്പ് നല്‍കിയത്.
കൂടാതെ നാഷണല്‍ ഫയര്‍ സര്‍വീസ് മീറ്റില്‍ മെഡല്‍ ജേതാക്കളായ എന്‍.സുഭാഷ്, എം.പി.റിജിന്‍, കെ.എന്‍.സാബിറ, എ.ജിഷ എന്നിവരെ ചടങ്ങില്‍ വച്ച് ആദരിച്ചു.
ആര്‍ ആര്‍ ശരത് സ്മാരക കണ്ണൂര്‍ മേഖല വോളി ബോള്‍ ടൂര്‍ണമെന്റില്‍ വിജയികളായ കണ്ണൂര്‍ ഫയര്‍ സ്‌റ്റേഷന്‍ ടീമിനും റണ്ണേഴ്‌സ് അപ്പായ തൃക്കരിപ്പൂര്‍ ഫയര്‍ സ്‌റ്റേഷന്‍ ടീമിനും ട്രോഫികള്‍ വിതരണം ചെയ്തു.
കണ്ണൂര്‍ റീജിനല്‍ ഫയര്‍ ഓഫീസര്‍ പി.രഞ്ജിത്ത്, കെ എഫ് എസ് എ സംസ്ഥാന പ്രസിഡണ്ട് ഒ.കെ. രജീഷ്, സംസ്ഥാന വൈസ് പ്രസിഡന്റ് കെ.സജിത്ത്,
മേഖല സെക്രട്ടറി ബൈജു കോട്ടായി, പ്രസിഡന്റ് വി.സുധീഷ്, ജോ.സെക്രട്ടറി പി.വി. സുമേഷ്, വൈസ് പ്രസിഡന്റ് എ.സിനീഷ്, ട്രഷറര്‍ വി.കെ.അഫ്‌സല്‍ എന്നിവര്‍ സംസാരിച്ചു