ശാസ്ത്രീയ ആയോധനകലകള്‍ ചെറുപ്പത്തില്‍ തന്നെ സ്വായത്തമാക്കണം-സി.എം.കൃഷ്ണന്‍.
തളിപ്പറമ്പ്: കരാട്ടെ പോലുള്ള ശാസ്ത്രീയ ആയോധനകലകള്‍ ചെറുപ്പത്തില്‍ തന്നെ സ്വായത്തമാക്കുന്നത് ശാരീരികവും മാനസികവുമായ മികവ് പുലര്‍ത്താന്‍ യുവാക്കളെ സഹായിക്കുമെന്ന് തളിപ്പറമ്പ് ബ്ലോക്ക് പഞ്ചായത്ത് പ്രസിഡന്റ് സി.എം.കൃഷ്ണന്‍.
കരിമ്പം കള്‍ച്ചറല്‍ സെന്റര്‍ ലൈബ്രറി ആന്റ് റീഡിംഗ്‌റൂമും ഗോള്‍ഡന്‍ ഫോക്‌സ് കരാട്ടെക്ലബ്ബും സംയുക്തമായി സംഘടിപ്പിക്കുന്ന കരാട്ടെ പരിശീലനക്ലാസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
യുവതലമുറ മാഫിയാ സംഘങ്ങളുടെ കയ്യിലേക്ക് എത്തിപ്പെടുന്നത് തടയാന്‍ ഇത്തരം പരിശീലന പരിപാടികള്‍ ഉപകരിക്കുമെന്നും അദ്ദേഹം പറഞ്ഞു.
നഗരസഭാ സ്ഥിരം സമിതി അധ്യക്ഷ എം.കെ.ഷബിത അധ്യക്ഷത വഹിച്ചു.
കള്‍ച്ചറല്‍ സെന്റര്‍ പ്രസിഡന്റ് കെ.പി.എം.റിയാസുദ്ദീന്‍, സെക്രട്ടെറി സി.രാഹുല്‍, റെന്‍സി സി.പി.സക്കരിയ, സെന്‍സയ് എം. ചന്ദ്രന്‍ എന്നിവര്‍ പ്രസംഗിച്ചു. കരാട്ടെ പ്രദര്‍ശനവും നടന്നു.
കരാട്ടെ ക്ലാസില്‍ ചേരാന്‍ ആഗ്രഹിക്കുന്നവര്‍ 9061902579, 9961337465 എന്നീ നമ്പറുകല്‍ ഏതിലെങ്കിലും ബന്ധപ്പെടണമെന്ന് കരിമ്പം കള്‍ച്ചറല്‍ സെന്റര്‍ പ്രസിഡന്റ് കെ.പി.എം.റിയാസുദ്ദീന്‍ അറിയിച്ചു.