ഫെയ്‌സ് മാതമംഗലം പതിഭാ സംഗമവും അനുമോദനവും സംഘടിപ്പിച്ചു.
മാതമംഗലം: മാതമംഗലത്തെ കലാസാംസ്‌കാരിക സംഘടനയായ ഫെയ്‌സ് മാതമംഗലം എസ്.എസ്.എല്‍.സി-പ്ലസ്ടു- നീറ്റ് പരീക്ഷകളില്‍ ഉന്നത വിജയം നേടിയ പ്രതിഭകളുടെ സംഗമവും അനുമോദനവും സംഘടിപ്പിച്ചു.
കണ്ണൂര്‍ ക്രൈംബ്രാഞ്ച് എസ്.പി. പി.പി. സദാനന്ദന്‍ പരിപാടി ഉദ്ഘാടനം ചെയ്തു.
ഫെയ്‌സ് പ്രസിഡന്റ് കെ.പ്രിയേഷ് അധ്യക്ഷത വഹിച്ചു.
എരമം-കുറ്റൂര്‍ ഗ്രാമപഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ.സരിത, വാര്‍ഡ് മെമ്പര്‍ പി.വി.വിജയന്‍ എന്നിവര്‍ സംസാരിച്ചു.
ഫെയ്‌സ് സെക്രട്ടറി പി.ദാമോദരന്‍ മാസ്റ്റര്‍ സ്വാഗതവും ട്രഷറര്‍ കെ.വി.ഗണേശന്‍ നന്ദിയും പറഞ്ഞു.
കെ.എന്‍.മനോജ് കുമാര്‍ കരിയര്‍ ഗൈഡന്‍സ് ക്ലാസ് എടുത്തു.
ചുവര്‍ ചിത്രകാരന്‍ ബിജു പാണപ്പുഴ മുന്‍ പഞ്ചായത്ത് പ്രസിഡന്റ് എം.കെ.കുഞ്ഞപ്പന്‍, റിട്ടേയേര്‍ഡ് അധ്യാപകരായ കെ.അഹമ്മദ് മാസ്റ്റര്‍, ദിനേശന്‍ മാസ്റ്റര്‍,
പി.കുഞ്ഞിക്കണ്ണന്‍ മാസ്റ്റര്‍, കെ. കൃഷ്ണന്‍ മാസ്റ്റര്‍, എ.ഷംസുദ്ദീന്‍ മാസ്റ്റര്‍, എം.രവി മാസ്റ്റര്‍ എന്നിവര്‍ വിദ്യാര്‍ത്ഥികള്‍ക്ക് ഉപഹാരങ്ങള്‍ കൈമാറി.