ബൈക്കില്‍ കടത്തുകയായിരുന്ന 3.150 കിലോഗ്രാം കഞ്ചാവുമായി യുവാവ് അറസ്റ്റില്‍
പാപ്പിനിശേരി: ബൈക്കില്‍ കടത്തുകയായിരുന്ന 3.150 കിലോഗ്രാം കഞ്ചാവുമായി യുവാവ് അറസ്റ്റില്‍.
മാട്ടൂല്‍ മടക്കര ഡിസ്‌പെന്‍സറിക്ക് പിറകില്‍ താമസിക്കുന്ന പത്താല ഹൗസില്‍ അബൂബക്കറുടെ മകന്‍ പി.പി.നവാസിനെയാണ് പാപ്പിനിശേരി എക്‌സൈസ് ഇന്‍സ്‌പെക്ടര്‍ എബി തോമസും സംഘവും പിടികൂടിയത്.
പാപ്പിനിശേരി ഗെയിറ്റിന് സമീപം മൂന്നുപെറ്റുമ്മ പള്ളിയുടെ മുന്നില്‍വെച്ചാണ് കെ.എല്‍.13 വൈ-5312 പാഷന്‍പ്രോ ബൈക്കില്‍ കടത്തുകയായിരുന്ന കഞ്ചാവ് പിടികൂടിയത്.
നിരവധി മയക്കുമരുന്ന് കേസില്‍ പ്രതിയാണ് നവാസെന്ന് എക്‌സൈസ് പറഞ്ഞു.
ഒപ്പിയം കൈവശം വെച്ചതിന് നിലവില്‍ കോടതിയില്‍ കേസ് നടന്നു കൊണ്ടിരിക്കുന്നതിനിടയിലാണ് ഇയാള്‍ വിണ്ടും കഞ്ചാവുമായി പിടിയിലായത്.
ആന്ധ്രയില്‍ പോയി മൊത്തമായി കഞ്ചാവ് വാങ്ങി പാപ്പിനിശ്ശേരി, മടക്കര, മാട്ടൂല്‍, പുതിയങ്ങാടി, പഴയങ്ങാടി എന്നി സ്ഥലങ്ങളിലെ കുട്ടികളെ കേന്ദ്രികരിച്ച് വില്‍പ്പന നടത്തുന്നതാണ് ഇയാളുടെ രീതിയെന്ന് എക്‌സൈസ് പറഞ്ഞു.
അസി.എക്‌സൈസ് ഇന്‍പെക്ടര്‍ ഗ്രേഡ് സന്തോഷ് തുണോളി, പ്രിവന്റിവ് ഓഫിസര്‍ പി.എം.കെ.സജിത്ത്കുമാര്‍, പ്രിവന്റീവ് ഓഫിസര്‍ ഗ്രേഡ് വി.പി.ശ്രീകുമാര്‍, സി.പങ്കജാഷന്‍, പി.പി.രജിരാഗ,് സിനിയര്‍ ഡ്രൈവര്‍ കെ.ഇസ്മയില്‍ എന്നിവരും സംഘത്തിലുണ്ടായിരുന്നു.