കോര്‍ട്ട് റോഡില്‍ ഡെലിവറിവാനുകള്‍ മണിക്കൂറുകളോളം നിര്‍ത്തിയിടുന്നു.
തളിപ്പറമ്പ്: തിരക്കേറിയ താലൂക്ക് ഓഫീസ് ജംഗ്ഷനിലെ കോര്‍ട്ട് റോഡിന് സമീപം മണിക്കൂറുകളോളം ഡെലിവറി വാനുകള്‍ നിര്‍ത്തിയിടുന്നത് യാത്രക്കാര്‍ക്കും പരിസരത്തെ വ്യാപാരികള്‍ക്കും ദുരിതമായി.
ഈ ഭാഗം നോ പാര്‍ക്കിംഗ് ഏരിയയായി നേരത്തെ തന്നെ പ്രഖ്യാപിച്ചതാണെങ്കിലും നഗരത്തിലെ പാര്‍ക്കിംഗ് സൗകര്യക്കുറവ് കാരണം ട്രാഫിക് പോലീസ് ഇത് കര്‍ശനമാക്കാറില്ല.
എന്നാല്‍ ഇത് മുതലെടുത്താണ് നഗരത്തില്‍ സാധനങ്ങല്‍ വിതരണം ചെയ്യാനെത്തുന്ന ഡെലിവറി വാഹനങ്ങള്‍ നിര്‍ത്തിയിടുന്നത്.
ഇത് കോര്‍ട്ട്‌റോഡിലേക്കുള്ള പ്രവേശനകവാടത്തില്‍ തന്നെ കടുത്ത ട്രാഫിക് കുരുക്ക് സൃഷ്ടിക്കുന്നുണ്ട്
. ഈ ഭാഗത്ത് ഡെലിവറി വാനുകള്‍ പാര്‍ക്ക് ചെയ്യുന്നത് നിയന്ത്രിക്കണമെന്ന ആവശ്യം ശക്തമായിരിക്കയാണ്.