വയനാട്: വ്യത്യസ്തമായ ഫണ്ട് ശേഖരണവുമായി യൂത്ത് കോണ്‍ഗ്രസ്.
തളിപ്പറമ്പ്: വയനാടിന്റെ കണ്ണീരൊപ്പാന്‍ വ്യത്യസ്തമായ രീതിയില്‍ ഫണ്ട് ശേഖരരിച്ച് യൂത്ത് കോണ്‍ഗ്രസ് തളിപ്പറമ്പ് നിയോജക മണ്ഡലം കമ്മിറ്റി മാതൃകയായി.
യൂത്ത് കോണ്‍ഗ്രസ്സ് സംസ്ഥാന കമ്മിറ്റി പ്രഖ്യാപിച്ച മുപ്പത് വീടുകള്‍, മാതാപിതാക്കള്‍ നഷ്ടപ്പെട്ട കുട്ടികളുടെ വിദ്യാഭ്യാസ ചെലവ് ഏറ്റെടുക്കല്‍, അമ്പത് വീടുകളിലേക്കുള്ള സാധന സാമഗ്രികള്‍ എന്നിവ ഏറ്റെടുത്തത് ആരംഭിച്ച ഫണ്ടിലേക്കുള്ള പണം സ്വരൂപിക്കുന്നതിനായിട്ടാണ് യൂത്ത് കോണ്‍ഗ്രസ്സ് പുതിയ മാര്‍ഗ്ഗം തേടിയത്.
ഇതിന്റെ ഭാഗമായി ഇന്ന് രാവിലെ 8 ന് തളിപ്പറമ്പ് ക്ലാസ്സിക് സിനിമ തിയേറ്ററുമായി കൈകോര്‍ത്ത് ജീത്തു ജോസഫ് സംവിധാനം ചെയ്ത് ബേസില്‍ ജോസഫ് നായകനായി അഭിനയിച്ച നുണക്കുഴി സിനിമയുടെ സ്‌പെഷ്യല്‍ ഷോ സംഘടിപ്പിച്ചു.
സിനിമ കാണാന്‍ വരുന്നവരില്‍ നിന്നും ലഭിച്ച ടിക്കറ്റിന്റെ മുഴുവന്‍ തുകയും സംസ്ഥാന കമ്മിറ്റിക്ക് കൈമാറും.