സ്വകാര്യ ആശുപത്രിയിലെ നഴ്‌സിനെ ഹോസ്റ്റലില്‍ തൂങ്ങി മരിച്ച നിലയില്‍ കണ്ടെത്തി
കാസര്‍കോട്: സ്വകാര്യ ആശുപത്രിയിലെ നഴ്‌സിനെ ഹോസ്റ്റലില്‍ തൂങ്ങി മരിച്ച നിലയില്‍ കണ്ടെത്തി.
ബന്തിയോട് ഡിഎം ആശുപത്രിയിലെ നഴ്സും കൊല്ലം തെന്മല സ്വദേശിനിയുമായ സ്മൃതി (20) ആണ് മരിച്ചത്.
അശുപത്രിയുടെ പിറക് വശത്തുള്ള ഹോസ്റ്റല്‍ മുറിയിലാണ് തൂങ്ങി മരിച്ച നിലയില്‍ കണ്ടെത്തിയത്.
നൈറ്റ് ഡ്യൂട്ടി കഴിഞ്ഞു തിങ്കളാഴ്ച്ച രാവിലെ റൂമില്‍ വന്നിരുന്നു. വീണ്ടും ആശുപത്രിയില്‍ പോയി ഉച്ചയോടെ റൂമില്‍ വന്ന ശേഷമാണു ആത്മഹത്യ ചെയ്തതെന്ന് പറയുന്നു.
ഷാള്‍ ഉപയോഗിച്ചാണ് തൂങ്ങിയത്.
കുമ്പള പൊലീസ് എത്തി നടപടികള്‍ സ്വീകരിച്ചു.
മൂന്നുമാസം മുമ്പാണ് ആശുപത്രിയില്‍ ജോലിക്ക് പ്രവേശിച്ചത്.
വിവരം അറിഞ്ഞ് ബന്ധുക്കള്‍ ഇവിടേയ്ക്ക് പുറപ്പെട്ടിട്ടുണ്ട്. ഷാനിയാണ് മാതാവ്.