കാറിന്റെ ഡോറിടിച്ച് തെറിച്ചുവീണ ബൈക്ക് യാത്രികന് ഗുരുതര പരിക്ക്.
തളിപ്പറമ്പ്: റോഡരികില്‍ പാര്‍ക്ക് ചെയ്ത കാറിന്റെ ഡോര്‍ പെട്ടെന്ന് തുറന്നതിനെ തുടര്‍ന്ന് ബൈക്ക് യാത്രികന് ഇടിച്ചുവീണ് ഗുരുതരമായി പരിക്കേറ്റ സംഭവത്തില്‍ കാറോടിച്ചയാള്‍ക്കെതിരെ കേസ്.
കെ.എല്‍-13 എ.പി-2891 നമ്പര്‍ കാര്‍ ഡ്രൈവര്‍ ഷംസുവിന്റെ പേരിലാണ് തളിപ്പറമ്പ് പോലീസ് കേസെടുത്തത്.
14 ന് വൈകുന്നേരം 5.10 ന് ദേശീയപാതയില്‍ ധര്‍മ്മശാല ഉടുപ്പി ഹോട്ടലിന് മുന്നിലായിരുന്നു അപകടം.
കെ.എല്‍-59 ഇ-9936 ബൈക്കോടിച്ച ശ്രീകണ്ഠാപുരം കോട്ടൂര്‍വയല്‍ സെന്റ് മേരീസ് പള്ളിക്ക് സമീപത്തെ കൊട്ടുപറമ്പില്‍ വീട്ടില്‍ ഷാല്‍ബിന്‍ ചാക്കോക്കാണ്(33) റോഡില്‍ തെറിച്ചുവീണ് ഗുരുതരമായി പരിക്കേറ്റത്.