ഹാപ്പിനസ് അന്താരാഷ്ട്ര ചലച്ചിത്രോത്സവം: 21,22,23 തീയതികളില്‍. കല്ലിങ്കീല്‍ സംഘാടകസമിതി ചെയര്‍മാന്‍.

തളിപ്പറമ്പ്: ഹാപ്പിനസ് അന്താരാഷ്ട്ര ചലച്ചിതോത്സവം-2024 സംഘാടക സമിതി രൂപീകരണ യോഗം കരിമ്പം കില കാമ്പസില്‍ നടന്നു. എം.വി ഗോവിന്ദന്‍ മാസ്റ്റര്‍ എം.എല്‍.എ ഉദ്ഘാടനം ചെയ്തു.

ജനുവരി 21, 22, 23 തീയതികളിലായി തളിപ്പറമ്പിലെ ആലിങ്കീല്‍, ക്ലാസ്സിക് തിയ്യേറ്ററുകളിലായാണ് ചലച്ചിത്രോത്സവം നടത്തുന്നത്.

ഐ എഫ് എഫ് കെയില്‍ പ്രദര്‍ശിപ്പിച്ചിട്ടുള്ള അന്താരാഷ്ട്രതലത്തില്‍ ശ്രദ്ധ നേടിയ 35 സിനിമകളാണ് പ്രദര്‍ശനത്തിനായി തെരഞ്ഞെടുത്തത്.

ജനുവരി 10-ന് ഓണ്‍ലൈന്‍ രജിസ്‌ട്രേഷന്‍ ആരംഭിക്കും. മേളയോടനുബന്ധിച്ച് ഓപ്പണ്‍ ഫോറം, ടൂര്‍ ഇന്‍ ടാക്കീസ് പര്യടനം തുടങ്ങിയ വിവിധ പരിപാടികള്‍ നടത്തുന്നതിനായി സംഘാടക സമിതി യോഗത്തില്‍ തീരുമാനമെടുത്തു.

ചലച്ചിത്ര അക്കാദമി സെക്രട്ടറി അജോയ് ചന്ദ്രന്‍ അധ്യക്ഷത വഹിച്ചു.

ഹാപ്പിനെസ് ഫെസ്റ്റിവല്‍ ചെയര്‍മാനും ആന്തൂര്‍ നഗരസഭ ചെയര്‍മാനുമായ പി മുകുന്ദന്‍, സംഘാടക സമിതിയംഗങ്ങളായ സിനിമ നടന്‍ സോഹന്‍ സിനുലാല്‍, പ്രദീപ് ചൊക്ലി, സി.പി.എം തളിപ്പറമ്പ് ഏരിയാ സെക്രട്ടെറി കെ.സന്തോഷ്, സിനിമാ സംവിധായകന്‍ ഷെറി ഗോവിന്ദ് എന്നിവര്‍ പങ്കെടുത്തു.

കെ.സുധാകരന്‍ എം.പി, ജോണ്‍ ബ്രിട്ടാസ് എം.പി, എം.വി.ഗോവിന്ദന്‍ മാസ്റ്റര്‍ എം എല്‍ എ, ജില്ലാ പഞ്ചായത്ത് പ്രസിഡന്റ് പി.പി.ദിവ്യ, ജില്ലാ കലക്ടര്‍ അരുണ്‍ കെ.വിജയന്‍, കണ്ണൂര്‍ റൂറല്‍ എസ് പി എം.ഹേമലത, ടി.കെ.ഗോവിന്ദന്‍ മാസ്റ്റര്‍, അഡ്വ.പി.സന്തോഷ് കുമാര്‍ എം.പി, കെ സന്തോഷ്, ഷാജി എന്‍ കരുണ്‍ എന്നിവര്‍ രക്ഷാധികാരികളായും

തളിപ്പറമ്പ് നഗരസഭ ഉപാധ്യക്ഷന്‍ കല്ലിങ്കീല്‍ പത്മനാഭന്‍ ചെയര്‍മാനായും ചലച്ചിത്ര അക്കാദമി സെക്രട്ടറി അജോയ് ചന്ദ്രന്‍ ജനറല്‍ കണ്‍വീനറുമായുള്ള 101 അംഗ സംഘാടക സമിതിക്കാണ് രൂപം നല്‍കിയത്.

സിനിമ താരങ്ങളായ സന്തോഷ് കീഴാറ്റൂര്‍, നിഖില വിമല്‍, സോഹന്‍ സിനുലാല്‍, സംവിധായകന്‍ പ്രദീപ് ചൊക്ലി എന്നിവരെ വൈസ് ചെയര്‍മാന്‍മാരായും കണ്‍വീനര്‍മാരായി ഷെറി ഗോവിന്ദ്, ജിത്തു കോളയാട്, മനോജ് കാന എന്നിവരെയും തെരഞ്ഞെടുത്തു.