തളിപ്പറമ്പില്‍ സ്വാതന്ത്ര്യദിനാഘോഷം: നഗരസഭാ കാര്യാലയത്തില്‍ ചെയര്‍പേഴ്‌സന്‍ മുര്‍ഷിത കൊങ്ങായിയും തൃച്ചംബരം സെന്റ് പോള്‍സില്‍ റവ.ഡോ.വര്‍ഗീസ് ചക്കാലക്കലും ദേശീയപതാക ഉയര്‍ത്തി.

തളിപ്പറമ്പ്: തളിപ്പറമ്പ് നഗരസഭാ കാര്യാലയത്തില്‍ ചെയര്‍പേഴ്‌സന്‍ മുര്‍ഷിത കൊങ്ങായി ദേശീയപതാകയുയര്‍ത്തി.

വൈസ്‌ചെയര്‍മാര്‍ കല്ലിങ്കീല്‍ പത്മനാഭന്‍, സ്ഥിരംസമിതി അധ്യക്ഷന്‍മാരായ പി.പി.മുഹമ്മദ്‌നിസാര്‍, കെ.നബീസാബീവി, കെ.പി.ഖദീജ, കൗണ്‍സിലര്‍മാരായ സലീം കൊടിയില്‍, കെ.രമേശന്‍, പി.സി.നസീര്‍, കെ.വല്‍സരാജന്‍, ഒ.സുജാത, പി.വി.സുരേഷ്, പി.റഹ്‌മത്ത്ബീഗം, പി.കെ.സാഹിദ, നഗരസഭാ സെക്രട്ടെറി കെ.പി.സുബൈര്‍, എഞ്ചിനീയര്‍ പി.വിമല്‍കുമാര്‍, സൂപ്രണ്ട് സുരേഷ് കസ്തൂരി, എച്ച്.എസ്. എ.പി.രഞ്ജിത്ത് തുടങ്ങി ഉദ്യോഗസ്ഥരും മറ്റ് ജീവനക്കാരും പങ്കെടുത്തു.

തൃച്ചംബരം സെന്റ് പോള്‍സ് ദേവാലയത്തില്‍ ഡോ.വര്‍ഗീസ് ചക്കാലക്കല്‍ ദേശീയപതാക ഉയര്‍ത്തി.

തൃച്ചംബരം: സ്വാതന്ത്ര്യ ദിനത്തോടനുബന്ധിച്ചു തൃച്ചംബരം സെന്റ് പോള്‍സ് ദേവാലയത്തില്‍ കണ്ണൂര്‍ രൂപതയുടെ പ്രഥമ മെത്രാന്‍ റവ. ഡോ.വര്‍ഗ്ഗീസ് ചക്കാലക്കലിന്റ നേതൃത്വത്തില്‍ പതാകയുയര്‍ത്തി.

ദിവ്യബലിക്കു ശേഷം നടന്ന ചടങ്ങില്‍ ഇടവക വികാരി മോണ്‍.ആന്റണി പയസ്, പാരിഷ് കൗണ്‍സില്‍ സെക്രട്ടറി ഷിജോ മാത്യു, ബെര്‍ണാഡ് ബെന്നി എന്നിവര്‍ സ്വാതന്ത്ര്യ ദിനാശംസകള്‍ നേര്‍ന്ന് സംസാരിച്ചു.