പോക്‌സോ കേസില്‍ യുവാവ് അറസ്റ്റില്‍; പെടേന സ്വദേശി നബീലിനേയാണ് ചെറുപുഴ പോലീസ് അറസ്റ്റ് ചെയ്തത്
ചെറുപുഴ: പ്രായപൂര്‍ത്തിയാകാത്ത ആണ്‍കുട്ടിയെ ഭീഷണിപ്പെടുത്തി ബൈക്കില്‍ കൊണ്ടുപോയി പീഡിപ്പിക്കാന്‍ ശ്രമിച്ച യുവാവ് പോക്‌സോ കേസില്‍ അറസ്റ്റില്‍.
നിരവധി കേസിലെ പ്രതിയായ പെടേനയിലെ തട്ടുമ്മല്‍ നബീലിനേയാണ് (38) ചെറുപുഴ എസ്.ഐ പി.ഡി.റോയിച്ചന്‍ അറസ്റ്റ് ചെയ്തത്. കഴിഞ്ഞാഴ്ച്ച രാത്രിയിലായിരുന്നു സംഭവം.
കുട്ടിയുടെ പരാതിയില്‍ പോക്‌സോ നിയമ പ്രകാരം കേസെടുത്ത ചെറുപുഴ പോലീസ് പ്രതിയെ കസ്റ്റഡിയിലെടുക്കുകയായിരുന്നു.
അറസ്റ്റ് ചെയ്ത് കോടതിയില്‍ ഹാജരാക്കിയ നബീലിനെ റിമാന്റ് ചെയ്തു. ഇതിന് മുമ്പും നബീല്‍ പോക്‌സോ കേസില്‍ അറസ്റ്റിലായിരുന്നു.