പാഠപുസ്തകങ്ങളെ വികലമാക്കുന്ന നീക്കം ഉപേക്ഷിക്കണം-പു.ക.സ സമ്മേളനം.
പരിയാരം: പാഠപുസ്തകങ്ങളെ വികലമാക്കുന്ന കേന്ദ്ര സര്ക്കാര് നീക്കം ഉപേക്ഷിക്കണമെന്ന് പുരോഗമന കലാസാഹിത്യസംഘം തിരുവട്ടൂര് യൂണിറ്റ് സമ്മേളനം ആവശ്യപ്പെട്ടു.
പരിണാമസിദ്ധാന്തം, മുഗള് ചരിത്രം തുടങ്ങി ശാസ്ത്രബോധവും ചരിത്രബോധവും കുട്ടികളില് നിന്ന് ഇല്ലാതാക്കി വര്ഗ്ഗീയആശയങ്ങള് പ്രചരിപ്പിക്കാനുള്ള നീക്കം അപകടകരമാണ്.
മതനിരപേക്ഷതയും ജനാധിപത്യ വിരുദ്ധവുമായ ഈ നയം സര്ക്കാര് ഉപേക്ഷിക്കണമെന്ന് സമ്മേളനം പ്രമേയത്തിലൂടെ ആവശ്യപ്പെട്ടു.
പു ക സ ജില്ല എക്സിക്യൂട്ടിവ് അംഗം രാജേഷ് കടന്നപ്പള്ളി ഉദ്ഘാടനം ചെയ്തു.
പി.പി.രതീശന് അധ്യക്ഷത വഹിച്ചു.
എം.വി.ജനാര്ദ്ദനന് മാസ്റ്റര്, പി.സി.റഷീദ്, കെ.കെ.രാമചന്ദ്രന് എന്നിവര് സംസാരിച്ചു. കെ. പുരുഷോത്തമന് സ്വാഗതം പറഞ്ഞു.
ഭാരവാഹികള്: പി.പി.രതീശന്(പ്രസിഡന്റ്), എ.വി.അനൂപ്(സെക്രട്ടെറി) എന്നിവരെ തിരഞ്ഞെടുത്തു.