ഓപ്പറേഷന്‍ തിയേറ്ററില്‍ വിദ്യാര്‍ത്ഥിനിയെ അപമാനിച്ചു, നേഴ്‌സിങ്ങ് അസിസ്റ്റന്റിനെതിരെ ജാമ്യമില്ലാ വകുപ്പ് പ്രകാരം കേസ്-സംഭവം കണ്ണൂര്‍ ഗവ.മെഡിക്കല്‍ കോളേജില്‍
പരിയാരം: ഓപ്പറേഷന്‍ തിയേറ്ററില്‍ വിദ്യാര്‍ത്ഥിനിയെ അപമാനിച്ച സംഭവത്തില്‍ മെഡിക്കല്‍ കോളേജിലെ നേഴ്‌സിങ്ങ് അസിസ്റ്റന്റിനെതിരെ പരിയാരം പോലീസ് കേസെടുത്തു.
രതീശന്‍(42)നെതിരെയാണ് കേസ്. ഇക്കഴിഞ്ഞ ഡിസംബര്‍ ഒന്‍പതിന് ന്യൂറോ ഓപ്പറേഷന്‍ തിയേറ്ററിലാണ് സംഭവം.
ഇതിന് മുമ്പ് കഴിഞ്ഞ 2021 മാര്‍ച്ച് മാസം രണ്ട് ദിവസങ്ങളിലായി ഓപ്പറേഷന്‍ തിയേറ്ററില്‍ വെച്ചും ആശുപത്രിയില്‍ വെച്ചും സ്ത്രീത്വത്തെ അപമാനിക്കുന്ന വിധത്തില്‍ ലൈംഗിക ചുവയോടെ ലൈംഗികമായ ഉദ്ദേശത്തോടെ വിദ്യാര്‍ത്ഥിനിയുടെ ശരീരത്തില്‍ കടന്നുപിടിക്കുകയും മര്‍ദ്ദിക്കുകയും ചെയ്തതായും പരാതിയുണ്ട്.
വിദ്യാര്‍ത്ഥിനിയുടെ പരാതി പ്രകാരം ഐ.പി.സി-354-ാം വകുപ്പ് അനുസരിച്ച് ജാമ്യമില്ലാ വകുപ്പ് പ്രകാരമാണ് കേസ്.
വിദ്യാര്‍ത്ഥിനി ഇതു സംബന്ധിച്ച് വകുപ്പ് തലവന്‍ ഡോ.ചാള്‍സിന് നല്‍കിയ പരാതി അദ്ദേഹം പ്രിന്‍സിപ്പാളിനും പ്രിന്‍സിപ്പാള്‍ പോലീസിനും കൈമാറുകയായിരുന്നു.
പെണ്‍കുട്ടിയുടെ മൊഴി രേഖപ്പെടുത്തിയ ശേഷമാണ് പോലീസ് കേസെടുത്തത്.
കഴിഞ്ഞ ആഴ്ച്ചയില്‍ ബ്ലഡ് ബാങ്കില്‍
ല്‍ വെച്ചും ഒരു വിദ്യാര്‍ത്ഥിനിക്ക് നേരെ ഇത്തരത്തില്‍ ഒരു ജീവനക്കാരന്റെ കയ്യേറ്റമുണ്ടായതായി പരാതിയുണ്ട്.
ഇക്കാര്യത്തില്‍ വകുപ്പ്തല അന്വേഷണം നടക്കുന്നുണ്ട്.
മലപ്പുറം സ്വദേശിയായ ഇയാളെ മറ്റൊരു വിഭാഗത്തിലേക്ക് സ്ഥലംമാറ്റിയിരിക്കയാണ്.
മെഡിക്കല്‍ കോളജിന്റെ സല്‍പ്പേര് കളങ്കപ്പെടുത്തുന്ന വിധത്തില്‍ പെരുമാറുന്ന ഇത്തരക്കാര്‍ക്കെതിരെ കര്‍ശന നടപടികള്‍ കൈക്കൊള്ളണമെന്ന ആവശ്യം ശക്തമായിട്ടുണ്ട്.