സതീശന്‍ മാസ്റ്റര്‍ കണ്ണൂര്‍ സെന്‍ട്രല്‍ ജയിലില്‍
തളിപ്പറമ്പ്: ട്യൂഷന് എത്തിയ പെണ്‍കുട്ടിയെ പീഡിപ്പിച്ച സംഭവത്തില്‍ ഏഴ് വര്‍ഷം തടവിന് ശിക്ഷിച്ച റിട്ട. മുഖ്യാധ്യാപകന്‍ കെ.പി.വി.സതീഷ്‌കുമാറിനെ കണ്ണൂര്‍ സെന്‍ട്രല്‍
ജയിലിലടക്കും.
പോക്‌സോ കേസില്‍ നാല് വകുപ്പുകളില്‍ ഏഴ് വര്‍ഷം തടവുശിക്ഷ ലഭിച്ചതിനാല്‍ ഹൈക്കോടതിയില്‍ മാത്രമേ ഇനി ജാമ്യാപേക്ഷ നല്‍കാന്‍ കഴിയൂ.
ഏഴ് വര്‍ഷം തടവും 20,000 രൂപ പിഴയുമാണ് ശിക്ഷ. ട്യൂഷന് വീട്ടിലെത്തിയ വിദ്യാര്‍ത്ഥിനിയെ തളിപ്പറമ്പ് രാജരാജേശ്വര ക്ഷേത്രത്തിന് സമീപത്തെ സതീഷ്‌കുമാറിന്റെ വീട്ടില്‍ വെച്ചാണ് പീഡിപ്പിച്ചത്.
തളിപ്പറമ്പ് പോക്‌സോ അതിവേഗ കോടതി ജഡ്ജി പി.മുജീബ്‌റഹ്മാന്‍ ശിക്ഷവിധിച്ചത്. 2017 സെപ്തംബര്‍ 20 നായിരുന്നു സംഭവം.