ബസ് ഷെല്‍ട്ടര്‍ പണിയും-കണ്ണൂര്‍ ഓണ്‍ലൈന്‍ന്യൂസ് ഇംപാക്ട്
തളിപ്പറമ്പ്: പെട്രോള്‍പമ്പ് ബസ്റ്റോപ്പില്‍ ഇനി മഴകൊള്ളാതെ ബസ് കാത്തുനില്‍ക്കാന്‍ വഴിയൊരുങ്ങുന്നു.
കഴിഞ്ഞ ആഗസ്ത് 7 ന് കണ്ണൂര്‍ ഓണ്‍ലൈന്‍ന്യൂസ് ഇത് സംബന്ധിച്ച് വാര്‍ത്ത പ്രസിദ്ധീകരിച്ചിരുന്നു.
തുടര്‍ന്ന് നേതാജി വാര്‍ഡ് കൗണ്‍സിലര്‍ സി.പി.മനോജ് മുന്‍കൈയെടുത്താണ് ഇവിടെ ബസ് ഷെല്‍ട്ടര്‍ പണിയുന്നതിന് സ്‌പോണ്‍സറെ കണ്ടെത്തിയത്.
ആര്‍.എസ്.പി.(എസ്) നേതാവും പൊതുപ്രവര്‍ത്തകനുമായ സി.വല്‍സന്‍ മാസ്റ്ററാണ് അദ്ദേഹത്തിന്റെ സഹോദരിയുടെ സ്മരണക്കായി ഇവിടെ ഷെല്‍ട്ടര്‍ പണിത് നല്‍കാന്‍ തീരുമാനിച്ചത്.
ഇതോടൊപ്പം ആലക്കോട് മലയോര പാതയില്‍ ടാഗോര്‍ വിദ്യാനികേതന് സമീപവും പുതിയ ഷെല്‍ട്ടര്‍ നിര്‍മ്മിക്കാന്‍ തീരുമാനിച്ചിട്ടുണ്ട്.
പള്ളിത്തറ ജ്വല്ലേഴ്‌സാണ് ഇത് സ്‌പോണ്‍സര്‍ ചെയ്യുന്നത്. തൃച്ചംബരത്ത് രണ്ട് ദിവസത്തിനകം നിര്‍മ്മാണം ആരംഭിക്കുമെന്ന് കൗണ്‍സിലര്‍ സി.പി.മനോജ് അറിയിച്ചു.