ഏകദിന മാധ്യമശില്പ്പശാല നാളെ പയ്യന്നൂരില്-ജില്ലാ കളക്ടര് എസ്.ചന്ദ്രശേഖര് ഉദ്ഘാടനം ചെയ്യും
പയ്യന്നൂര്:പ്രാദേശിക മാധ്യമ പ്രവര്ത്തകര്ക്കായി കൊച്ചി പ്രസ് ഇന്ഫര്മേഷന് ബ്യൂറോ (പി.ഐ.ബി) സംഘടിപ്പിക്കുന്ന ഏകദിന മാധ്യമ ശില്പശാല വ്യാഴാഴ്ച രാവിലെ 9.30ന് പയ്യന്നുര് കെ. കെ റെസിഡന്സി ഹോട്ടലില് കണ്ണൂര് ജില്ല കലക്ടര് എസ്.ചന്ദ്രശേഖര് ഉദ്ഘാടനം ചെയ്യും.
പയ്യന്നൂര് പ്രസ്ഫോറം പ്രസിഡന്റ് രാഘവന് കടന്നപ്പള്ളി അധ്യക്ഷത വഹിക്കുന്ന സമ്മേളനത്തില്, പി.ഐ.ബി അഡീഷണല് ഡയറക്ടര് ജനറല് വി. പളനിച്ചാമി മുഖ്യ പ്രഭാഷണം നടത്തും.
പ്രസ് ഇന്ഫര്മേഷന് ബ്യുറോ കൊച്ചി ഡയറക്ടര് രശ്മി റോജ തുഷാര നായര് പി ഐ ബി യുടെ പ്രവര്ത്തനങ്ങളെ കുറിച്ച് വിവരിക്കും.
തുടര്ന്ന് ‘പത്രപ്രവര്ത്തനത്തിലെ നൈതികതയും വികാസനോത്മുഖ പത്രപ്രവര്ത്തനവും’ എന്ന വിഷയത്തെ കുറിച്ച് മാതൃഭൂമിയിലെ സീനിയര് ലീഡര് റൈറ്റര് കെ. ബാലകൃഷ്ണന് ക്ലാസെടുക്കും.
തുടര്ന്ന് ‘കേരളത്തിന്റെ ആരോഗ്യ മേഖലയും പോസിറ്റീവ് റീപ്പര്ട്ടിങ്ങും’ എന്ന വിഷയത്തെ കുറിച്ച് കോഴിക്കോട് സര്ക്കാര് മെഡിക്കല് കോളജിലെ അസ്സോസിയേറ്റ് പ്രഫെസ്സര് ഡോ. ജയകൃഷ്ണനും, ഡിജിറ്റല് പത്രപ്രവര്ത്തനത്തെക്കുറിച്ച് മലയാള മനോരമ ചീഫ് റിപ്പോര്ട്ടര് എന്.പി.സി.രഞ്ജിത്തും സംസാരിക്കും.
കേന്ദ്ര ഗവണ്മെന്റിന്റെ വിവിധ പദ്ധതികളെക്കുറിച്ച് പ്രാദേശിക ലേഖകര്ക്ക് അറിവ് പകരുക എന്ന ലക്ഷ്യത്തോടെയാണ് പി. ഐ. ബി വിവിധ ജില്ലകളില് ഇത്തരം ശില്പശാലകള് സംഘടിപ്പിക്കുന്നത്.