കാര്‍ നിയന്ത്രണം വിട്ട് വയലിലേക്ക് മറിഞ്ഞു,
പരിയാരം: കാര്‍ നിയന്ത്രണം വിട്ട് വയലിലേക്ക് മറിഞ്ഞു, യാത്രക്കാരന്‍ അല്‍ഭുതകരമായി രക്ഷപ്പെട്ടു.
നെരുവമ്പ്രം അതിയടം പാലോട്ടുകാവിന് സമീപം ഇന്നലെ വൈകുന്നേരം നാലോടെയാണ് സംഭവം.
20 അടിയോളം താഴ്ചയിലേക്കുള്ള വയലിലേക്കാണ് കാര്‍ മറിഞ്ഞത്.
അതിയടം പാലോട്ട് കാവിന് സമീപത്ത് നിന്നും മെഡിക്കല്‍ കോളേജ് റോഡിലേക്ക് കയറുന്ന ഭാഗത്തെ വളവില്‍ വെച്ചാണ് അപകടമുണ്ടായത്.
കാറോടിച്ച അതിയിടത്തെ മെക്കാനിക്കല്‍ എന്‍ജിനീയര്‍ ആദിത്യന്‍ (25) ഗ്ലാസ് പൊളിച്ചാണ് പുറത്തു കടന്നത്.
പാലോട്ടുകാവ് റോഡ് റോഡ്ഇടുങ്ങിയതും വീതി കുറവായതുമാണ് അപകടത്തിന് കാരണമായത്.
റോഡിന് പാര്‍ശ്വഭിത്തിയും സംരക്ഷണ വേലിയും നിര്‍മ്മിക്കണമെന്ന ആവശ്യം നിര്‍മ്മാണ സമയത്ത് തന്നെ ഉയര്‍ന്നിരുന്നെങ്കിലും നടന്നില്ല.
അശാസത്രിയമായ റോഡ് നിര്‍മ്മാണത്തെ തുടര്‍ന്ന് നിരവധി അപകടങ്ങളാണ് ഈ മേഖലയില്‍ ഉണ്ടാകുന്നതെന്ന് നാട്ടുകാര്‍ പറയുന്നു.