ആശംസിക്കാന്‍ വിളിച്ചില്ല- സി.പി.ഐ പ്രതിഷേധിച്ചു.
തളിപ്പറമ്പ്: പുളിമ്പറമ്പില്‍ ഇന്ന് രാവിലെ ഉദ്ഘാടനം ചെയ്ത തളിപ്പറമ്പ് നഗരസഭയുടെ നഗര ജനകീയ ആരോഗ്യകേന്ദ്രം ഉദ്ഘാടന ചടങ്ങില്‍ സി.പി.ഐ വായമൂടിക്കെട്ടി പ്രതിഷേധിച്ചു.
ഉദ്ഘാടനത്തിന് തങ്ങളുടെ പ്രതിനിധിയെ ആശംസ പ്രസംഗത്തിനായി ക്ഷണിച്ചില്ലെന്നാരോപിച്ചാണ് പ്രതിഷേധം.
മണ്ഡലം സെക്രട്ടെറി പി.കെ.മുജീബ്‌റഹ്മാന്‍ ഉദ്ഘാടനം ചെയ്തു.
സി.പി.ഐക്ക് നഗരസഭാ കൗണ്‍സിലില്‍ പ്രതിനിധി ഇല്ലാത്തതിനാലാണ് ക്ഷണിക്കാതിരുന്നതെന്നാണ് നഗരസഭാ സെക്രട്ടെറിയുടെ വിശദീകരണം.
സി.പി.എം, കോണ്‍ഗ്രസ്, മുസ്ലിംലീഗ്, ബി.ജെ.പി പ്രതിനിധികളെ ഉദ്ഘാടന ചടങ്ങിലേക്ക് ക്ഷണിച്ചിരുന്നു.