റിസോര്‍ട്ടിലെ നീന്തല്‍കുളത്തില്‍ മരിച്ച ദൃശിന്റെ സംസ്‌ക്കാരം ഇന്ന് വൈകുന്നേരം.
ജോസ്ഗിരി: രാജഗിരിയിലെ സര്‍വോസോണിക് റിസോര്‍ട്ടിലെ നീന്തല്‍കുളത്തില്‍ മുങ്ങിമരിച്ച കണ്ണപുരം തൃക്കോത്ത് സ്വദേശി ദൃശിന്‍ ഗിരീഷിന്റെ സംസ്‌ക്കാരം ഇന്ന് വൈകുന്നേരം തൃക്കോത്ത് സ്മശാനത്തില്‍ നടക്കും.
തൃക്കോത്തെ ഗിരീശന്‍-മായ ദമ്പതികളുടെ മകന്‍ എലിയന്‍ വീട്ടില്‍ ദൃശിന്‍ ഗിരീഷിനെയാണ് (28)മരിച്ച നിലയില്‍ കണ്ടത്.
സഹോദരന്‍ ശിബിന്‍. ബില്‍ഡിംഗ് സൂപ്പര്‍വൈസറായ ദൃശിന്‍ ഇന്നലെയാണ് സുഹൃത്തുക്കളോടൊപ്പം രാജഗിരിയിലെ റിസോര്‍ട്ടില്‍ വിനോദയാത്രക്ക് പോയത്.
രാജഗിരിയിലെ സര്‍വോസോണിക് റിസോര്‍ട്ടിലെ സ്വിമ്മിംഗ്പൂളില്‍ പുലര്‍ച്ചെ രണ്ടരയോടെയാണ് ഈയാള്‍ മുങ്ങിത്താഴ്ന്നത്.
ഉടന്‍ സുഹൃത്തുക്കള്‍ പുറത്തെടുത്ത് ആശുപത്രിയില്‍ എത്തിച്ചപ്പോഴേക്കും മരിച്ചിരുന്നു.