സിസ്റ്റര്‍ ഫ്രാന്‍സിസ് ഡി.എസ്.എസ്(74)നിര്യാതയായി-സംസ്‌ക്കാരം ഇന്ന് വൈകുന്നേരം നാലിന്

തളിപ്പറമ്പ്: പട്ടുവം ദീനസേവന സഭയുടെ അമല പ്രൊവിന്‍സ് അംഗമായ സിസ്റ്റര്‍ ഫ്രാന്‍സിസ് ഡി.എസ്.എസ്. (74) നിര്യാതയായി.

കോട്ടയം രൂപതയില്‍ ലൂര്‍ദ്ദ്മാതാ ഇടവകയില്‍ പരേതരായ മത്തായി അന്നമ്മ ദമ്പതികളുടെ 11 മക്കളില്‍ രണ്ടാമത്തെ മകളായി ജനിച്ചു.

പിന്നീട് കാസര്‍ഗോഡ് രാജപുരം കോളിച്ചാലിലേക്ക് കുടിയേറി.

പട്ടുവം, മാടായി, കാരക്കുണ്ട്, ആന്ധ്രാപ്രദേശ്, മേപ്പാടി, ബത്തേരി, മൂലംകര, കോഴിക്കോട്, മുതലപ്പാറ, മരിയപുരം, തിരുവനന്തപുരം, കൊടുമണ്‍, അരിപ്പാമ്പ്ര, കളമശ്ശേരി, കാരാപ്പറമ്പ്, കോളിത്തട്ട് എന്നിവിടങ്ങളില്‍ സേവനം അനുഷ്ടിച്ചിട്ടുണ്ട്.

സഹോദരങ്ങള്‍: എ.എം.ജോണ്‍ (റിട്ട. പ്രഫസര്‍, കാസര്‍ഗോഡ് ഗവ.കോളജ്), ലീലാമ്മ വാരണാക്കുഴിയില്‍ (മാലക്കല്ല്), സിസ്റ്റര്‍ ഫ്രാന്‍സിന്‍ വിസി (പയ്യാവൂര്‍), ത്രേസ്യാമ്മ നൂറ്റിയാനിക്കുന്നേല്‍ (മാലക്കല്ല്), ബേബി, സണ്ണി (ഇരുവരും കോളിച്ചാല്‍), സിസിലി കക്കാടിയില്‍ പയ്യാവൂര്‍ (അധ്യാപിക, കാസര്‍ഗോഡ് വിദ്യാനഗര്‍ കേന്ദ്രീയ വിദ്യാലയം, സാലു (അധ്യാപകന്‍, രാജപുരം ഹോളിഫാമിലി എച്ച്എസ്എസ്), സിസ്റ്റര്‍ ജെസ്വിന്‍ വിസി (കണ്ണൂര്‍ ശ്രീപുരം ബറുമറിയം സെന്റര്‍), പരേതനായ കുര്യാക്കോസ്.

ശവസംസ്‌ക്കാരം ഇന്ന് തിങ്കളാഴ്ച (30.12.2024) ഉച്ചകഴിഞ്ഞ് 3.00 മണിക്ക് പട്ടുവം സ്‌നേഹനികേതന്‍ ആശ്രമ ചാപ്പലില്‍ കണ്ണൂര്‍ രൂപതാ സഹായ മെത്രാന്‍ ബിഷപ്പ് ഡെന്നിസ് കുറുപ്പശ്ശേരിയുടെ മുഖ്യകാര്‍മ്മികത്വത്തില്‍ നടത്തപ്പെടും.