എഫ്.എന്‍.പി.ഒ കണ്ണൂര്‍ ഡിവിഷന്‍ സമ്മേളനം നടന്നു
തളിപ്പറമ്പ്: ഫെഡറേഷന്‍ ഓഫ് നാഷണല്‍ പോസ്റ്റല്‍ ഓര്‍ഗനൈസേഷന്‍സ് കണ്ണൂര്‍ ഡിവിഷണല്‍ സമ്മേളനം തളിപ്പറമ്പ് വ്യാപാരഭവന്‍ ഓഡിറ്റോറിയത്തില്‍ നടന്നു.
കെ.പി.സി.സി.ജന.സെക്രട്ടറി അഡ്വ.സോണി സെബാസ്റ്റിയന്‍ ഉദ്ഘാടനം ചെയ്തു. ഡിവിഷന്‍ പ്രസിഡന്റ് കരിപ്പാല്‍ സുരേന്ദ്രന്‍ അധ്യക്ഷത വഹിച്ചു.
പ്രതിനിധി സമ്മേളനവും ആദരസമ്മേളനവും മുന്‍ ഡി.സി.സി.പ്രസിഡന്റ് സതീശന്‍ പാച്ചേനി ഉദ്ഘാടനം ചെയ്തു.
എഫ്.എന്‍.പി.ഒ കേരളാ സര്‍ക്കിള്‍ കണ്‍വീനറായി തെരഞ്ഞെടുക്കപ്പെട്ട കെ.വി.സുധീര്‍കുമാറിനെ ആദരിച്ചു.
കൈത്താങ്ങ്ഫണ്ട് കെ.ഉണ്ണികൃഷ്ണന്‍ ഏറ്റുവാങ്ങി. യൂണിയനില്‍ പുതിയ അംഗങ്ങളായി കടന്നുവന്നവരേയും തലശേരി രൂപതയിലെ മികച്ച കര്‍ഷകനായി തെരഞ്ഞെടുക്കപ്പെട്ട എം.എ ചാക്കോയെയും ആദരിച്ചു.
എന്‍ഡോവ്‌മെന്റ് വിതരണം ഐ.എന്‍.ടി.യു.സി ജില്ലാ പ്രസിഡന്റ് വി.വി.ശശീന്ദ്രന്‍ നിര്‍വ്വഹിച്ചു. സര്‍ക്കില്‍ സെക്രട്ടറി കെ.മഹേഷ് ആദരിച്ചു. പി.പ്രേമദാസന്‍, കെ.സി.പരിമള എന്നിവര്‍ അനുമോദിക്കല്‍ ചടങ്ങ് നിര്‍വ്വഹിച്ചു.
ഡിവിഷണല്‍ സെക്രട്ടറി ഇ.മനോജ്കുമാര്‍, സര്‍ക്കിള്‍ അസി.സെക്രട്ടറി പി.കെ.ഹരിദാസ്, എന്‍.യു.ജി.ഡി.എസ്. ഡിവിഷണല്‍ പ്രസിഡന്റ് കെ.വി.വേണുഗോപാലന്‍, വനിതാ വിഭാഗം കണ്‍വീനര്‍ കെ.സുമ, എന്നിവര്‍ പ്രസംഗിച്ചു.
വി.പി.ചന്ദ്രപ്രകാശ് സ്വാഗതവും എന്‍.യു.ജി.ഡി.എസ് ഡിവിഷണല്‍ പ്രസിഡന്റ് ദിനുമൊട്ടമ്മല്‍ നന്ദിയും പറഞ്ഞു.