ഹര്‍ത്താല്‍ദിന ആക്രമം-പി.എഫ്.ഐ ഏരിയാ പ്രസിഡന്റ് അറസ്റ്റില്‍.
തളിപ്പറമ്പ്: ഹര്‍ത്താല്‍ ആക്രമം പോപ്പുലര്‍ഫ്രണ്ട് തളിപ്പറമ്പ് ഏരിയാ പ്രസിഡന്റ് അറസ്റ്റില്‍.
ശാദുലിപള്ളിക്ക് സമീപത്തെ കക്കിന്റകത്ത് ആറാംകണ്ടം ഹൗസില്‍ എ.എ.ഷുഹൂദിനെയാണ്(39) തളിപ്പറമ്പ് ഡി.വൈ.എസ്.പിയുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.
പോപ്പുലര്‍ഫ്രണ്ട് ആഹ്വാനം ചെയ്ത സപ്തംബര്‍ 23 ലെ ഹര്‍ത്താല്‍ ദിവസം എളംമ്പേരം പാറയിലെ പി.പി.ആഷാദിന്റെ സിസ്റ്റം കെയര്‍ മൊബൈല്‍സ് ആന്റ് ഇലക്ട്രോണിക്‌സ് എന്ന സ്ഥാപനമാണ് പ്രതികള്‍ ആക്രമിച്ച് നാശനഷ്ടം വരുത്തിയത്.
കട നിര്‍ബന്ധിച്ച് ബലമായി അടപ്പിക്കുന്നതിനായി, പ്രതികള്‍ രാവിലെ 10.05 മണിയോടെ അതിക്രമിച്ചു കയറുകയായിരുന്നു.
പരാതിക്കാരനെ ഭീഷണിപ്പെടുത്തുകയും, കൗണ്ടറിയിലുണ്ടായിരുന്ന സാധന സാമഗ്രികള്‍ നിലത്തേക്കെറിഞ്ഞും പരാതികാരന് 8000/ രൂപയുടെ നാശനഷ്ടം വരുത്തുകയും ചെയ്തു എന്നാണ് കേസ്.