വര്‍ക്ക്‌ഷോപ്പില്‍ നിന്നും കാര്‍ മോഷ്ടിച്ചു-
പരിയാരം: വര്‍ക്ക്‌ഷോപ്പിന്റെ പൂട്ട് തകര്‍ത്ത് കാര്‍ മോഷ്ടിച്ചു. പരിയാരം ആയുര്‍വേദോ കോളേജിന് സമീപത്തെ അറബ് മോട്ടോര്‍ വര്‍ക്ക് ഷോപ്പിലാണ് ഇന്ന് പുലര്‍ച്ചെ നാല്മണിയോടെ കവര്‍ച്ച നടന്നത്.
അമ്മാനപ്പാറയിലെ അനീഷിന്റെ ഉടമസ്ഥതയിലുള്ള വര്‍ക്ക്‌ഷോപ്പിന് രണ്ട് പാര്‍ട്ണര്‍മാര്‍ കൂടിയുണ്ട്. ഇന്നലെ പോളീഷ് ചെയ്യാനായി അമ്മാനപ്പാറയിലെ റാഫി വര്‍ക്ക്‌ഷോപ്പില്‍ ഏല്‍പ്പിച്ച കെ.എല്‍ 59 പി-9832 നമ്പര്‍ വെള്ള സ്വിഫ്റ്റ് കാറാണ് മോഷ്ടിച്ചത്.
വര്‍ക്ക്‌ഷോപ്പിന്റെ ഒരു പാര്‍ട്ണര്‍ പുലര്‍ച്ചെ കുഞ്ഞിംഗലത്തേക്ക് പോകവെയാണ് ഷോപ്പിന്റെ വാതില്‍ തകര്‍ത്തതായി കണ്ടത്.
ഉടന്‍ പോലീസില്‍ വിവരമറിയിക്കുകയായിരുന്നു. അതിന് മുമ്പായി മറ്റൊരു പാര്‍ട്ണര്‍ ജിംനേഷ്യത്തിലേക്ക് പോകുമ്പോള്‍ മോഷണം നടന്നിരുന്നില്ല. ഇന്നലെ ഏര്യത്ത് രണ്ട് ക്ഷേത്രങ്ങളില്‍ കവര്‍ച്ച നടന്നിരുന്നു.