ഭര്‍തൃസഹോദരി ഓടിച്ച സ്‌കൂട്ടര്‍ അപകടത്തില്‍ പെട്ട് ചികില്‍സയിലായിരുന്ന യുവതി മരിച്ചു.
തളിപ്പറമ്പ്: ഭര്‍ത്താവിന്റെ സഹോദരി ഓടിച്ച സ്‌കൂട്ടര്‍ അപകടത്തില്‍പെട്ട് പരിക്കേറ്റ യുവതി മരിച്ചു.
കാര്യാമ്പലം ബിക്കിരി ഹൗസിലെ ബി.അമീറയാണ്(32മരിച്ചത്.
കഴിഞ്ഞ മെയ്മാസം 24 ന് കുറുമാത്തൂര്‍ ചാണ്ടിക്കരിയിലായിരുന്നു അപകടം.
ഭര്‍ത്താവിന്റെ സഹോദരി കരിമ്പം ചവനപ്പുഴയിലെ ചുള്ളിയോടന്‍ പൊട്ടിച്ചി വീട്ടില്‍ നസിയത്ത്(28) ഓടിച്ച കെ.എല്‍.13 എ.സി 2252 നമ്പര്‍ സ്‌കൂട്ടര്‍ അപകടത്തില്‍ പെട്ട് അമീറ റോഡില്‍ തെറിച്ച് വീഴുകയായിരുന്നു.
ഗുരുതരമായി പരിക്കേറ്റ അമീറ മംഗളൂരുവിലെ വെന്‍ലോക്ക് ആശുപത്രിയില്‍ ചികില്‍സയില്‍ കഴിയവെ ഇന്ന് വൈകുന്നേരം 3.15നായിരുന്നു മരണം.
തളിപ്പറമ്പിലെ ഫുട്ടവേര്‍ വ്യാപാരി ഫാസിലാണ് ഭര്‍ത്താവ്.
അശ്രദ്ധമായി വാഹനമോടിച്ചതിന് നസിയത്തിനെതിരെ തളിപ്പറമ്പ് പോലീസ് കേസെടുത്തു.