ഭാര്യ പൊള്ളലേറ്റ് മരിച്ചു. ഭര്‍ത്താവിന് പരിക്ക്
തലശ്ശേരി: ഭര്‍തൃമതിയായ യുവതി പൊള്ളലേറ്റ് മരിച്ചു. ഭാര്യയെ രക്ഷപ്പെടുത്താന്‍ ശ്രമിക്കവെ ഭര്‍ത്താവിനും പൊള്ളലേറ്റ് പരിക്ക്.
പുല്ലോട് സി.എച്ച്. നഗറിലെ തിരുവാതിരയില്‍ എം.ശ്യാമിലി(33)ആണ് വീട്ടില്‍ പൊള്ളലേറ്റ് മരിച്ചത്.
രക്ഷിക്കാന്‍ ശ്രമിക്കുന്നതിനിടയില്‍ പൊള്ളലേറ്റ് പരിക്കുകളോടെ ഭര്‍ത്താവ് രജീഷിനെ തലശേരി സഹകരണാശുപത്രിയില്‍ പ്രവേശിപ്പിച്ചിട്ടുണ്ട്.
തോട്ടുമ്മല്‍ പുല്ലോട്ടെ പരേതനായ കാട്ടിലെ പറമ്പത്ത് രാജന്റെയും ശൈലജയുടെയും മകളാണ്.
സഹോദരി ഷംന.
ആറ് മാസം മുമ്പാണ് രജീഷും ഭാര്യയും പുതിയ വീട്ടില്‍ താമസമാക്കിയത്. കതിരൂര്‍ പോലീസ് ഇന്‍ക്വസ്റ്റ് നടത്തി.