വിരമിക്കുന്ന പോലീസ് ഉദ്യോഗസ്ഥര്ക്ക് യാത്രയയപ്പ് നല്കി.
തളിപ്പറമ്പ്: കേരള പോലീസ് ഓഫീസേഴ്സ് അസോസിയേഷന്, കേരള പോലീസ് അസോസിയേഷന് കണ്ണൂര് റൂറല് ജില്ലാ കമ്മിറ്റികളുടെ ആഭിമുഖ്യത്തില് ഏപ്രില് മാസം സര്വീസില് നിന്നും വിരമിക്കുന്ന പോലീസ് ഉദ്യോഗസ്ഥര്ക്ക് യാത്രയയപ്പ് നല്കി.
മാങ്ങാട്ടുപറമ്പ് കെ.എ.പി 4 സ്മാര്ട്ട് ക്ലാസ് റൂമില് നടന്ന യാത്രയയപ്പ് ചടങ്ങ് കണ്ണൂര് റൂറല് ജില്ലാ പോലീസ് മേധാവി അനൂജ് പാലിവാള് ഉദ്ഘാടനം ചെയ്തു.
വിരമിക്കുന്നവര്ക്കുള്ള ഉപഹാര സമര്പ്പണവും അദ്ദേഹം നിര്വ്വഹിച്ചു.
അഡീഷണല് എസ്.പി. എന്.ആര്.ജയരാജ് മുഖ്യാതിഥിയായിരുന്നു.
സ്പെഷ്യല് ബ്രാഞ്ച് ഡിവൈ.എസ്.പി കെ.ഇ.പ്രേമചന്ദ്രന്, കേരള പോലീസ് ഓഫീസേഴ്സ് അസോസിയേഷന് സംസ്ഥാന എക്സിക്യൂട്ടീവ് അംഗം കെ.പി.അനീഷ്, കേരള പോലീസ് അസോസിയേഷന് കണ്ണൂര് റൂറല് ജില്ലാ സെക്രട്ടറി കെ.പ്രിയേഷ് എന്നിവര് പ്രസംഗിച്ചു.
പോലീസ് അസോസിയേഷന് കണ്ണൂര് റൂറല് ജില്ലാ പ്രസിഡന്റ് ടി.വി.ജയേഷ് അധ്യക്ഷത വഹിച്ചു.
കെ.പി.ഒ.എ റൂറല് ജില്ലാ സെക്രട്ടറി എന്.വി.രമേശന് സ്വാഗതവും കെ.പി.സാഹിദ നന്ദിയും പറഞ്ഞു.
