അരാജകത്വമാണ് പിണറായി സര്‍ക്കാറിന്റെ ഭരണനേട്ടം-വി.എം.സുധീരന്‍

പരിയാരം:കേരളത്തില്‍വിലക്കയറ്റം പിടിച്ചു നിര്‍ത്തേണ്ട സപ്ലൈകോയെ നോക്കുകുത്തിയാക്കി കര്‍ഷക ആത്മഹത്യ സംസ്ഥാനമാക്കി മാറ്റിയ സര്‍ക്കാരാണ് കേരളം ഭരിക്കുന്നതെന്ന് മുന്‍ കെ.പി.സി.സി അധ്യക്ഷന്‍ വി.എം.സുധീരന്‍.

ജനാധിപത്യ വാഴ്ച തകര്‍ത്ത് അരാജകത്വവാഴ്ച്ച കൊണ്ടുവന്നതാണ് സര്‍ക്കാറിന്റെ ഏക നേട്ടമെന്നും അദ്ദേഹം പറഞ്ഞു.

പരിയാരം മണ്ഡലം കോണ്‍ഗ്രസ് കമ്മിറ്റി ഭാരവാഹികളുടെ ചുമതലയേക്കല്‍ ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു വി.എം.സുധീരന്‍.

ഡിസിസി പ്രസിഡന്റ് അഡ്വ: മാര്‍ട്ടിന്‍ ജോര്‍ജ് മുഖ്യപ്രഭാഷണം നടത്തി.

മണ്ഡലം കോണ്‍ഗ്രസ് പ്രസിഡണ്ട് പി. വി സജീവന്‍ അധ്യക്ഷത വഹിച്ചു.

ഡിസിസി സെക്രട്ടറിമാരായ ടി.ജനാര്‍ദ്ദനന്‍, ഇ.ടി.രാജീവന്‍, ബ്ലോക്ക് കോണ്‍ഗ്രസ് പ്രസിഡന്റ് പി.കെ.സരസ്വതി, നൗഷാദ് ബ്ലാത്തൂര്‍, പ്രമീള രാജന്‍, പി.വി.പ്രേമരാജന്‍, ഐ.വി.കുഞ്ഞിരാമന്‍, പി.വി.രാമചന്ദ്രന്‍, പി രാജീവന്‍, പി. വിനോദ് എന്നിവര്‍ പ്രസംഗിച്ചു.

സതീശന്‍ പാച്ചേനി സ്മാര സ്തൂപത്തില്‍ വി.എം.സുധീരന്‍ പുഷ്പാര്‍ച്ചന നടത്തി.