പൂരക്കളി അക്കാദമി മാതമംഗലം മേഖലാ സമ്മേളനം 22 ന് ഞായറാഴ്ച്ച.
പിലാത്തറ: കാഞ്ഞങ്ങാട് അടുത്ത മാസം 12, 13 തീയ്യതികളില്‍ നടക്കുന്ന കേരള പൂരക്കളി കലാ അക്കാദമിയുടെ 9-ാമത് സംസ്ഥാന സമ്മേളനത്തിന്റെ മുന്നോടിയായി നടക്കുന്ന മാതമംഗലം മേഖലാ സമ്മേളനം ഞായറാഴ്ച കടന്നപ്പള്ളി കുറ്റിയാട്ട് പുലിയൂര് കാളി ക്ഷേത്ര ഓഡിറ്റോറിയത്തില്‍നടക്കുമെന്ന് സംഘാടകര്‍ പിലാത്തറ പ്രസ്‌ക്ലബ്ബില്‍ വാര്‍ത്താസമ്മേളനത്തില്‍ അറിയിച്ചു.
സമ്മേളനം രാവിലെ 10-ന് ടി.ഐ. മധുസൂദനന്‍ എം.എല്‍.എ ഉദ്ഘാടനം ചെയ്യും.
സംസ്ഥാന കമ്മിറ്റിയംഗം എം.അജയന്‍ അധ്യക്ഷത വഹിക്കും.
ഉച്ചക്ക് 12ന് ആദര സമ്മേളനം മറത്തുകളി രംഗത്തെ ആചാര്യന്മാരില്‍ പ്രമുഖനായ കാഞ്ഞങ്ങാട് പി.ദാമോദരന്‍ പണിക്കര്‍ ഉദ്ഘാടനം ചെയ്യും.
ചടങ്ങില്‍ മാതമംഗലം മേഖലയിലെ പൂരക്കളി യൂനിറ്റുകളിലെ 15-ഓളം പൂരക്കളി കലാകാരന്മാരെയും മറുത്ത് കളിയും പ്രകടനവും എന്ന വിഷയത്തില്‍ ഡോക്ടറേറ്റ് നേടിയ ഡോ.രാജേഷ് കടന്നപ്പള്ളിയെയും അനുമോദിക്കും.
കേരള പൂരക്കളി അക്കാദമി മെമ്പര്‍ ഡോ.വിപിന്‍ പണിക്കര്‍, സംഘടനയുടെ സംസ്ഥാന വൈസ് ചെയര്‍മാന്‍ എന്‍.കൃഷ്ണന്‍, സംസ്ഥാന കമ്മിറ്റി മെമ്പര്‍ മണിയറ ചന്ദ്രന്‍ എന്നിവര്‍ പ്രസംഗിക്കും.
ഉച്ചക്ക് രണ്ടിന് കേരളത്തിലെ പൂരക്കളി രംഗത്തെ അതുല്യ പ്രതിഭകളായ പി.ദാമേദരന്‍ പണിക്കര്‍ കാഞ്ഞങ്ങാട്, പാണപ്പുഴ പത്മനാഭന്‍ പണിക്കര്‍, മടിക്കൈ ഗോപാലകൃഷ്ണന്‍ പണിക്കര്‍ എന്നിവര്‍ ചേര്‍ന്ന് അവതരിപ്പിക്കുന്ന മറത്തുകളിയും
നടക്കും.
വാര്‍ത്താ സമ്മേളനത്തില്‍ സംഘാടക സമിതി ചെയര്‍മാന്‍ ടി.മനോഹരന്‍, സംസ്ഥാന വൈസ് ചെയര്‍മാന്‍ എന്‍. കൃഷ്ണന്‍, കെ.ഇ വിനോദ് സംസ്ഥാന കമ്മിററി മെമ്പര്‍, എം.അജയന്‍, എം.എം. പ്രദീപന്‍, കെ. ജീഷ് എന്നിവര്‍ പങ്കെടുത്തു.